Voy. Garaad Jaamac Garaad Cali ayaa galabta si wayn loogu soo dhaweeyey Magaaladdan Minneapolis ee Gobolka Minnesota ee Soomaalidu ay sida wayn u deganyihiin, qadasharaf si wayn oo qurux badan loo soo agaasimay ayaa lagu qabtay Hotelka Shariton.

Fadhigan oo bilowday 2:30kii Duhurnimo Waqtiga Minneapolis ayaa ugu horayntiiba waxaa lagu furay Quraanka kariimka ah, fadhigan oo aad loosoo camiray, qiyaas ahaana ay kasoo qayb galeen marti sharaf ku dhow Afarboqol oo qof oo Soomaalida Gobolka ah.

Si guud marka loo tilmaamo Qadosharaftii Maanta ayaa kadinka laga soo galo hoteelka waxaad arkaysay gabdho Soomaaliyeed oo si bilicsan ugu labisnaa dharkii dhaqanka iyo hidaha Soomaalida, waxaa iyadna si wayn goobtaa loogu soo camiray qalabka sida goonida ah uu dhaqanka Soomaalidu caanka ugu yahay Haamo, Xeedhooyin, fandhaahlo IWM.

Garad Jaamac Garaad Cali ayaa ugu horayntiiba lagu soo gelbiyay Sacab si diiran loogu wada garaacay,

Goortii uusoo gaaray halkii loogu talagalay in uu fadhiisto, ayaa ay xafladu si wanaagsan u bilaabatay, goortaas oo si isdaba joog ah loogu soo gudbinayay Garaadka iyo Akhyaartii isugu timi madashaa wixii gabay, geeraar iyo madadaalo loogu talagalay.

Umuurtan ayaan loo kala hadhin Gabyaa, Fanaan, xataa marka lagu daro xawo Ayeeyo oo iyadu galabta goobtaa taalay, Ayeeyo waxa ay ku caan baxday Baraanburadda Qiiradda Wadaninimo xambaarsan, Akhyaartii soo xaadirtay madashan ayaa ay runtii farxad balaadhani wejigooda ka muuqanaysay.

Qadasharaftii Maanta oo runtii aan sidan yar loo tilmaami karin, waxaad ku maqli doontaan barnaamijyadeena dambe, oo aan si gooni ah idiinkugu soo gudbin weedhwalba oo laga yidhi ashqaalkii halkaa ka dhacay galabta.

Voice Of Youth.
___________

UPDATE - SOMALIA
GUMAYSI MA JIRIN - Sheeko dhab ah!
SOMALIA HANTI IYO BURBUR
DAREENKA WADANIGA
DAGAAL OOGE
HAWEENKA QURBAHA
DUGSIYADDA SARE
DIGTOONAADA
HABLAHA Riverside
WAXAAD TAHAY MAS'UUL

QAYBAHA QUURSIGA: 1 | 2| 3
BAL TANNA SOO EEG 1 | 2 | 3 | 4 | 5| 6 | 7 | 8 | 9 |